ꁧꐙꀊꋨꁆꏯ
ꁱꊿ:ꐙꈌꐎꑳ ꀘꊿ:ꐙꁮꆿꋒ
ꁧꐙꀊꋨꁆꏯꁦꄅꄖ ꁦꄅꇈꄅꌕꄅꇖꄅꄖ ꈀꄸꄳꏤꀉꑳꉬꐙꐚ ꇿꅉꐁꅉꈿ꒰ꃨꋒꅾꅉꏮ ꌷꎹꌷꈹꄮꇬꐣꁙꀵ ꁮꅉꈍꑋꌀꇗꈐꏭꀀꀋꐚ ꁧꐙꀊꋨꁆꏯꒉꎔꒉ ꒉꎔꅶꁉꉡꒆꉡꉘꅉ ꈀꄸꄳꏤꀊꐔꉬꐙꐚ ꐚꍝꐙꃰꑌꇁꑿꆫꁍꇬꏮ ꄇꉼꋴꅪꁧꈿꇉꈽꅪ ꉌ꒜ꈐꏭꈀꄸꈀꄸꉂꀋꐚ ꁧꐙꀊꋨꁆꏯ ꀊꉘꄮꐰꃮꆫꇌꆫ ꇢꇑꋛꋚꄁꅉꀊꄶꐛꑴꌦ ꋚꅒꋙꋠꀿꇁ ꒜ꐮꏮꌠꎺꇊꐝꄧꀕꇬꎷ ꁧꐙꀊꋨꁆꏯ ꇤꈏꇢꇑꊷꆣꀕꃅꀊꄶꋦꑴꌦ ꀉꂿ꒿ꇁꂘꅇꇤꈫꇤꇋꎍꑴꌦ ꁧꐙꀊꋨꁆꏯ ꁮꅉꌧꅉꊛꅉꌧꌐꇁꀋꉆ ꉂꏣꁦꅉꀿꅉꌧꈤꇁꀋꄐ ꀒ,ꁧꐙꀊꋨꁆꏯ
ꁱꊿꀑꐱꃆꂮ:ꐙꈌꐎꑳ,ꆺꃅꏪꐦꊾꒆꌺ,ꀘꀋꌠꆿꋒꊂꋊ。ꂴꊁꃅꁱꇐꀉꑌꈨꁱꌊ《ꊿꋅ》、《ꀊꉘꌠꏀꁱ꒜》、《ꆃꎭꉜꇐꁱꀕ》ꌊꆀꀉꁁꑠꇬꄀꋺ,ꁱꇐꄹꁆꆏꌋꌊ《ꍏꇩꆈꌠꀋꃅꋋꄮꆀ꒿ꀕꇐꉻꏑꄉꌠ》、《ꃅꋊꃨꀕꅿꉗꄙꈎꌒ》ꄷꁱꇐꌋꏑꄉꋋꈨꇬꇱꄉ,ꈁꁠꆏ“ꃅꋊꀊꏀꊬꌠꄞꅐꊿ”ꌊꆀꀉꁁꑠꀉꑌꐘꊌꋺ。 ꀘꊿ:ꆃꎭꅇꁊꄆꁱꄠꊥꇺꊿ ꐙꁮꆿꋒ
主 编:勒尔吉哈 技术总监:向 波 责任编辑:吉潘木乃 依火里火 投稿、爆料 邮箱:75455684@qq.com 微信:yihuolihuo 广告联系方式:0834—2166111 凉山广播电视台 出品j.96weixin.com |